भांगरभूंय | प्रतिनिधी
गिमाच्या दिसांनी कांतीचेर फकत भायल्यान न्हय तर भितरल्यानय परिणाम जाता. खर उश्णताय, युव्ही किरणां, डिहायड्रेशन आनी ताण ह्या सगल्याक लागून आमच्या कांतीच्या पेशींच्या कार्याचेर परिणाम जाता. आमी कातीचें कार्य समजून घेवन तिका निरोगी दवरपाक शकतात.
डिहायड्रेशनाचो कांतीचेर परिणाम
गिमाच्या दिसांनी आमची कांत चड करून तेलकट नासता, पूण ती जैवीक रितीन डिहायड्रेट जाता. हाचो अर्थ कांतींत उदकाचो उणाव, म्हूण तातूंतल्यान चड तेल तयार जायना, पूण सैमीक रितीन ती सुकी पडटा. देखून कातींतल्यान तेल काडपा खातीर उपाय करचे परस आहारांत बदल करचो. दीसभर फावो तें उदक, नाल्लाचें उदक, ताक आनी इलॅक्ट्रॉलायट पियेवचें.
खर सुर्यापसून स्वताची राखण करात
खर वताचीं किरणां कातींतलें कॉलेजीन मोडून फ्री रॅडीकल्स वाडयतात, जाका लागून पिगमेंटेशन आनी एजिंगचे प्रक्रियेक वेग येता. एसपीएफ ३० वा ताचे परस चड आशिल्लें सनस्क्रीन दर ३-४ वरांनी लावचें पडटा. हाचे वांगडाच सकाळचीं ८-१० वरां मजगतीं सुर्याचो उजवाड कांतीक मेळप म्हत्वाचें, हाका लागून व्हिटॅमिन-डी आनी हार्मोनल समतोल दवरपाक मदत जाता.
संरक्षणात्मक थर घटमूट करप
सेगीत तोंड धुवप वा रसायनीक, खर पदार्थ वापरल्यार ह्या थराक लुकसाण जावं येता. सौम्य निवळ करपी आनी उदकाचेर आदारिल्ले मॉइस्चरायझर वापरचे.
ह्या उपायांक लागून कांत निरोगी उरतली
१. आहाराचो कांतीचेर परिणाम: उदकाचीं फळां, जशीं काळींग, तवशें, संत्रां आनी अँटीऑक्सिडेंट भरपूर आशिल्लीं खाणां कांतीक भितरल्यान पोशण दितात. प्रक्रिया केल्लीं आनी तळिल्लीं खाणां टाळचीं, कारण ताका लागून सूज वाडटा.
२. एक्सफोलिएशन टाळचें: कांय लोक गिमांत टॅनिंग पयस करपा खातीर चड एक्सफोलिएशन करतात. गिमांत कांत पयलींच संवेदनशील आसता, हाका लागून सप्तकांतल्यान १-२ फावटीं हलकें एक्सफोलिएशन करप बरें आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
