भांगरभूंय | प्रतिनिधी
निवेदिता धावडे ः दिवचले सेकंड इनिंगाची प्रबोधन कार्यावळ
दिवचल ः ‘मरावे परी किर्तीरुपे उरावे’ अशें संत रामदास स्वामी हांणी म्हणिल्लें. ‘मरावे परी कर्मरुपी उरावे’ अशें सद्गुरू वामनराव पै म्हणटाले. खरेंच. मनशान सत्कर्म करचें आनी बऱ्या कर्माचे स्मृतीन लोकांच्या मनांत सासणाचें उरचें अशें निवेदिता धावडे हांणी सांगलें.
बाबा सावयकार सेवा प्रतिष्ठान संचालीत ज्येश्ठ नागरीक सेवा केंद्र सेकंड इनिंग, भारत विका परिशद, दिवचल आनी जीवन विद्या मिशन हांच्या जोड पालवान घडोवन हाडिल्ले प्रबोधन कार्यावळींत निवेदिता धावडे उलयताली.
आपल्या भाशणांतल्यान तांणी सुखी आनी समृद्ध जीण जगपा खातीर जाय आशिल्ल्या अनेक गजालींचो नियाळ घेतलो आनी संघटीत जावप म्हत्वाचें आशिल्ल्याचें सांगलें.
सेकंड इनिंग केंद्रांत मंगळारा सांजवेळा जाल्ले हे कार्यावळींत माचयेर विश्वस्त रमाकांत शेट्ये, कार्यवाह देऊ पळ, श्रीकृष्ण धोंड, संध्या खानोलकार आदीची उपस्थिती आसली. संध्या खानोलकार हांणी निवेदिता धावडे हांची वळख करून दिली.
रमाकांत शेट्ये हांणी येवकार दिलो. देऊ पळ हांणी कार्यावळीचें सुत्रसंचालन केलें जाल्यार श्रीकृष्ण धोंड हांणी सगल्यांचे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
