भांगरभूंय | प्रतिनिधी
फोंडें ः धारबांदोडेंच्या राष्ट्रीय महामार्गार शेनवारा रातीं नेटान आयिल्ले कारीचो धपको रस्त्यार बशिल्ल्या गोरवांक बसलो. तिगां जाणांक किरकोळ दुखापत जाली. कारीचो धपको बशिल्ल्यान एके गायेक जाग्यारूच मरण आयलें जाल्यार एक गाय जखमी जाली.
ह्या अपघातांत कारीचें खूब लुकसाण जालें. फोंडें पुलिसांनी अपघाताचो पंचनामो केला. शेनवारा रातीं सुमार 7.45 वरांचेर मोलेंच्यान पणजे वचपी केए-05-एमडब्ल्यू-6522 क्रमांकाचे कारीचो धपको रस्त्यार बशिल्ल्या गोरवांक बसलो. कार उमथली आनी कारींतल्या तिगांक किरकोळ दुखापत जाली. जखमी जाल्ल्यांक 108 अॅम्ब्युलन्सींतल्यान पिळयें-धारबांदोडें भलायकी केंद्रांत व्हेले आनी उपचार करून घरा धाडले. कारीचो नेटान धपको बशिल्ल्यान गायेक जाग्यारूच मरण आयलें. फोंडें पुलिसांनी अपघाताचो पंचनामो केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
