भांगरभूंय | प्रतिनिधी
पणजी, प्रतिनिधी ः 2027 वर्साचे वेंचणुकेंत अनुसूचीत जमातीं खातीर आरक्षण मेळचे म्हणून बेगीनूच एक शिश्टमंडळ केंद्रीय गृहमंत्री अमित शहा हांकां मेळपाक दिल्लीत व्हरतले. देखून सध्या कांय लोक जी मागणी करतात ती राजकी हेतूंतल्यान प्रेरीत आसा अशें मुख्यमंत्री डॉ. प्रमोद सावंत हांणी आयज स्पश्ट केले.
‘गोंयच्या अनुसुचीत जमातीं खातीर ‘मिशन राजकीय आरक्षण’ (मिशन पॉलिटिकल) हे संस्थेन बिरसा मुंडाच्या जल्मदीस निमतान आयज पणजेच्या आझाद मैदानांत जाहीर बसकेचे आयोजन केल्लें. हे बसकेंतल्यान एसटी समाजाक राजकी आरक्षण मेळोवपा खातीर ‘उलगुलान’ चळवळ सुरू जातली. हे फाटभुंयेर मुख्यमंत्री डॉ. सावंत हांकां पत्रकारांनी विचारलें तेन्ना तांणी वयली गजाल स्पश्ट केली.
2027 वर्सा गोंयांत जावपी विधानसभा वेंचणुकेंत एसटी समाजाक निश्चीत राजकी आरक्षण मेळटलें. जनगणने उपरांत मतदारसंघ फेरचणूक आयोग स्थापन जातलो. ते उपरांत समाजाची लोकसंख्या मतींत दवरून आरक्षण थारायतले. देखून आतां कांय जाण आरक्षणाची मागणी करतात ती राजकी हेतून आसा अशें मुख्यमंत्री सावंत हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
