भांगरभूंय | प्रतिनिधी
पणजी : गोंंयांत 20 हजार रकमे मेरेन 2 हजारांच्यो नोटी बदलपाक स्लीप भरपा सयत वळखपत्र (आयडी) दाखोपाची गरज ना. एके फावटी 20 हजार रकमे मेरेन 2 हजार रुपया मेरेनच्यो नोटी सहज बदलपाक मेळटल्यो. स्टेट बँकेचे सरवेवस्थापक एस. मुरलीधरन हांंणी हें स्पश्ट केलांं.
सरवेवस्थापकांंनी सगल्या मुखेल कचेऱ्यांक हे विशींचें पत्र धाडलांं.
2 हजारांंच्या नोटींची 20 हजारांं परस चड रक्कम आसत जाल्यार स्लीप भरपा सयत आयडी दाखोवची पडटली. केंद्रांंन शुक्रारा 2 हजारांंच्यो नोटो चलनांतल्यान बंंद करपाचो निर्णय जाहीर केलो. हाका लागून 2 हजारांंच्यो नोटी बँकेंत दिवन हेर नोटी घेवच्यो पडटल्यो. नोटी बदलपा खातीर स्टेट बँकेच्या फांट्यांनी गर्दी उसळपाची शक्यताय आसा. लोकांं कडेन 500 वा 200 रुपयांं परस 2 हजारांंच्या नोटींचें प्रमाण उणें आसता. तशेंच आतां ऑनलायन वेव्हारांत वाड जाल्या. हाका लागून लोकांंची गर्दी मर्यादीत आसपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
