भांगरभूंय | प्रतिनिधी
हरमल: वयलोवाडो आरोदेकारवाडो काजू बागायतींत विदेशी पर्यटकान गोळ घेवन आत्महत्या केली. त्या वाठारांतल्यान बोकड्यांक घेवन वचपी एका धनगर भावान थळावी पंच वांगडी रजनी इब्रामपूकार हांकां कळयलें. पेडणें पुलिसांनी कूड ताब्यांत घेतल्या. फुडलो तपास पुलीस करतात.
काल दनपारां 2 वरांच्या सुमाराक मिखाईल (26) ह्या रशियन पर्यटकान काजू बागायतींतल्या काजीच्या झाडाक नायलॉन दोरयेच्या आदारान गोळ घेतलो. सादारण तीन मिटर उंचायेर झाडाक दोरी बांदून स्वताक झोकून दिलो आसुये अशी शक्यताय आसा. हो पर्यटक डीजे वादक म्हूण हॉटेलांनी आनी आस्थापनांनी काम करीत आशिल्ल्याचें समजता.
ताच्या पासपोर्टा वयल्यान 18 ऑक्टोबराक ताच्या व्हिसाची मुजत सोंपपाची आशिल्ली. पर्यटकान पयशाच्या उणावाक लागून निरशेवणेन आत्महत्या केली आसुये अशी शक्यताय आसा. ताचे बॅगेंत विडी, सिगार तशेंच पासपोर्ट सांपडलो.
मजगतीं, पर्यटकांनी एखादी अनैतीक कृती केले उपरांत पर्यटन थळांची बदनामी जायत आशिल्ल्यान वेवसायिकां मदीं निरशेणी पातळ्ळ्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
