भांगरभूंय | प्रतिनिधी
म्हापशें: हणजूण पुलिसांनी घुंवळे वखदां विरोधी कारवाये खाला 2.10 लाखांचो कोकेन आनी हेरॉयन जप्त केलो आनी दुबावीत आरोपी मालम पास्का कामारा (36) ह्या गिनीज नागरिकाक अटक केली.
पुलिसांनी हणजूण्यां झोझो बार अॅण्ड रॅस्टोरंण्टा कुशीक घुंवळे वखदांचो वेव्हार जावपाचो आसा अशी म्हायती मेळिल्ली. ते प्रमाण पुलिसांनी घडणूक थळार सांपळो रचलो.
दुबावीत आरोपी घडणूक थळार येतकूच पुलिसांनी ताका धरलो आनी ताची झडटी घेतली तेन्ना 01.74 ग्राम वजनाचो कोकेन आनी 03.12 ग्राम वजनाचें हेरॉयन हो ड्रग्स सांपडलो. ह्या ड्रग्साचें मोल 2 लाख 10 हजार रुपया आसा.
उपरांत पुलिसांनी दुबाविताक ताब्यांत घेतलो आनी घुंवळे वखदां प्रतिबंध कायद्या खाला गुन्यांव नोंद करून ताका अटक केली. फुडलो तपास पुलीस उपनिरिक्षक स्नेहा सावळ करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
