भांगरभूंय | प्रतिनिधी
समाजवावुरपी नझीर खान हांचो आरोप
वास्को, प्रतिनिधी : वास्कोचो स्वातंत्र्य पथ आनी एफ. एल. गोम्स मार्ग एकोडे येरादारी खातीर करपाच्या प्रस्तावाक वास्कोच्या लोकांनी विरोध करपा खातीर फुडें येवचें असो उलो समाज वावुरपी नझीर खान हांणी मारला. स्वातंत्र्य पथ आनी गोम्स मार्ग येवपी काळांत एकोडे येरादारी खातीर करपाचो प्रस्ताव आशिल्ल्याचें वास्कोचे आमदार कृष्णा साळकार हांणी सांगिल्लें. हो मार्ग एकोडे येरादारी खातीर करपा फाटलें कारण कितें, असो प्रस्न खान हांणी केला. ह्या मार्गा वयल्यान कार्गो येरादारी करपाचो ‘छुपो एजेंडो’ आशिल्ल्याचो दावो तांणी केला.
सध्या स्वातंत्र्य पथ आनी गोम्स मार्गा वयल्यान दोट्टी येरादारी सुरू आसा. पूण, येवपी काळांत ह्या मार्गाचेर जमनी पोंदच्यान लायटीच्यो सरयो घालून, स्पिडब्रेकर काडून ते मार्ग एकोडे येरादारी खातीर वापरपाचो विचार आमदार साळकर हांणी स्पश्ट केल्लो. हे खातीर एके सल्लागार कंपनीचे प्रतिनिधी पळोवणी करतले अशेंय तांणी म्हणिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
