भांगरभूंय | प्रतिनिधी
वादाचेर तात्पुरतो उपाय; खंडपिठच्या आदेशा प्रमाण निर्णय
पोरणें गोंय: धुळापे – खोर्ली हांंगासरल्या सांतेरी देवी मुर्तीच्या स्थापनेचेर तात्पुरतो उपाय काडपाक प्रशासनाक येस आयलांं. सांतेरी देवीची नवी मुर्ती देवळाच्या मंंडपांत कुलप करून दवरल्या. खंंडपिठाचो निवाडो जाय मेरेन मुर्ती मंंडपांत उरतली. खंंडपिठाच्या आदेशा प्रमाण मुर्ती स्थापनेचो निर्णय जातलो.
धुळापे – खोर्ली हांंगा एक गट देवीच्या नव्या मुर्तीची स्थापणूक करपाक पळयता. दुसऱ्या गटाचो नव्या मुर्तीचे स्थापणुकेक विरोध आसा. हाका लागून दोन गटां मदीं वाद निर्माण जाला. हें प्रकरण खंंडपिठांत आसा. खंंडपिठाच्या आदेशा प्रमाण निर्णय जातलो. देवस्थानाच्या मंंडपात मुर्ती कुलप करून दवरल्या. मुर्तीची स्थापना जावंंक नासली तरी ती सुरक्षीत आसा.
आयतारा सांतेरी देवीची नवी मुर्ती गाडयेंत घालून हाडटना दुसऱ्या गटातल्या लोकांनी गाडी आडायली. सगलीं बायलां गाडये मुखार वचून उबीं रावलीं. तणाव निर्माण जातकूच उपजिल्होधिकारी, मामलेदार तशेंच पुलीस फांटो घडणूक थळार दाखल जालो. दोनूय गटाचे लोक रस्त्यार आशिल्ले. कांय तेपा उपरांत मुर्तीची स्थापणूक करपी गट मुर्ती गाडयेंत दवरून गेलो. विरोध करपी गट गाडये मुखार उबो रावलो. सोमारा हाचेर उपाय काडपाक प्रशासनाक येस आयलें. दोनूय गटांंची समजूत काडून तांंणी मुर्ती मंंडपांत कुलप करून दवरल्या. नव्या मुर्तीची स्थापणूक सोमारा जावपाची आशिल्ली. ती काय जाली ना.
देवळाच्या बांदकामाक लागून दोनूय गटां मदीं खंडपिठांत खटलो सुरू आसा. बांदकाम बेकायदाे आसा असो विरोध करपी गटाचो दावो आसा. खंडपिठांत सुनावणी सुरू आसतना नव्या मुर्तीची स्थापणूक करपाचो एका गटाचो यत्न आसा.
पोरणें देवूळ मोडून नवें देवूळ बांंदपा सयत आमकां विस्वासात घेवंक ना अशें गोरखनाथ केरकार हांणी सांगलें. मुर्तीची स्थापणूक करपाचो निर्णय धर्मीक सल्लो घेवन जाला अशें अध्यक्ष भिकू धुळापकार हांणी सांगलें. देवस्थान समिती धोरणात्मक निर्णय घेता. हातूंत समुदायाचो विचार जायना अशें तांंणी स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
