भांगरभूंय | प्रतिनिधी
सांगें: दाबामळ कोटार्ली सांगेंच्या मुखेल रस्त्यार आशिल्ल्या व्हॉल्तार मुखा वयल्यान येवपी ट्रका पोंदा सांपडून तरणाट्याक मरण आयलें.
लवलेश मनोहर च्यारी (25) रावपी वेळीपवाडो कोटार्ली सांगेंचो तरणाटो आपल्या घरा येत आसतना मुखा वयल्यान ट्रक आयलो. ट्रकाचो अदमास चुकिल्ल्यान दुचाकी चालक गडबडलो आनी ट्रका पोंदा सांपडून ताका जाग्यारूच मरण आयलें. ही घडणूक काल (बुधवारा) पावणे दोन वरांच्या सुमाराक घडिल्ल्यान गांवांत दुख्ख आनी तिडक उक्तायतात.
जीए 09 सी 1628 ही दुचाकी घेवन लवलेश घरा वता आसतना ही घडणूक घडली. एमएच 42 बी 9277 हो अवजड ट्रक पेप्सी कंपनीचे दिशेन वता आसतना व्हॉल्तार अचकीत आयिल्ल्या ट्रकाक पळोवन तो गडबडलो आनी दुचाकी हातांतल्यान निसटून दुचाकी सयत मुखा वयल्यान येवपी ट्रका पोंदा सांपडून ताका मरण आयलें.
नागरिकांच्या म्हणण्या प्रमाण व्हॉल्तार आशिल्लीं झाडां, झोंपां वेळारूच कापिल्लीं जाल्यार हो अपघात घडचो नाशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
