भांगरभूंय | प्रतिनिधी
सगले उमेदवार वेंचून हाडपाचो केलो विक्रम
दिवचल: सांखळी नगरपालिकेंत सगले उमेदवार जिखून हाडपाचो विक्रम मुख्यमंत्री डॉ. प्रमोद सावंत हांणी केलो. गोंयच्या राजकारणांत आनीक एक नवो विक्रम सांखळी मतदारसंघांत तांच्या नांवार जालो.
सांखळी मतदारसंघाचे पयले आमदार, सभापती, मुख्यमंत्री जावपाचो मानूय तांकांच वता. आतां पालिकेंतल्या सगल्या बाराय उमेदवारांक आपल्या मार्गदर्शना खाला वेंचून हाडपाचो विक्रम लेगीत तांणी करून मुख्यमंत्री डॉ. प्रमोद सावंत हांकां मतदारसंघांत एक वेगळेंच स्थान फावो जालां. ते फक्त प्रामाणीक, निसुवार्थी कार्यकर्त्यांक लागून आनी मतदारांच्या सहकार्याय लागून जालें.
सांखळी नगरपालिकेंतल्या जैता फाटल्यान भाजपाच्यो महिला फुडारी सुलक्षणा सावंत, मंडळ अध्यक्ष गोपाळ सुर्लकार, सुभाष फोंडेंकार, संतोष मळीक, कालिदास गांवस, विठोबा घाडी, विश्वंभर गांवस, सुभाष मळीक, सुरेश कामत, गुरूप्रसाद नायक, स्वाती मायणीकार हांचे सयत खूबशा भाजपा कार्यकर्त्यांनी दीस-रात कश्ट घेतिल्ल्यान वेंचणुकेंत 10 सुवातो भाजपान जिखल्यात.
सांखळी मतदारसंघांत भाजपाची संघटणा घटमूट आसा आनी तांकां अध्यक्ष सदानंद शेट तानावडे हांचे लेगीत मार्गदर्शन मेळिल्लें. नगरसेवक अंशीरा खान, राया पार्सेकार, रश्मी देसाय, ब्रम्हा देसाय, आनंद काणेकार, दयानंद बोर्येकार, यशवंत माडकार आनी हेरांचो बरो सांगात मेळ्ळो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
