भांगरभूंय | प्रतिनिधी
पणजी : केंद्र सरकारान १७ ऑक्टोबराक निमसैनीक दळां सयत ‘ब’ आनी ‘क’ श्रेणींतल्या कर्मचार्यांक दिवाळी बोनस मंजूर केला. हेच फाटभूंयेर गोंय सरकारान ‘क’ गटांतल्या सगळ्या आनी ‘ब’ गटांतल्या अराजपत्रीत कर्मचार्यांक बोनस जाहीर केला. ४ हजार ६०० रुपयां परस उणें ग्रेड वेतन मेळपी सगळ्या कर्मचार्यांक ह्या बोनसाचो लाव दितले.
मजगतीं, जे कर्मचारी १ एप्रील २०२३ उपरांत सेवेंत रुजू जाल्यात आनी जांकां ४ हजार ६०० रुपयां परस चड ग्रेड वेतन मेळटा तांकां अंदूं ह्या बोनसाचो लाव मेळचो ना, अशेंय सरकारान स्पश्ट केलां. तशेंच जे पात्र आसात तांकां ‘ई पेमेंट’ वयल्यान १० नोव्हेंबरा पयलीं बोनस दितले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
