भांगरभूंय | प्रतिनिधी
प्रस्तावाक मान्यताय दिल्यार ऊस लागवडीक जातली सुरवात
फोंडें, प्रतिनिधी: फाटल्या तीन वर्सां सावन बंद आशिल्ल्या संजीवनी साखर कारखान्यांत इथेनॉल प्रकल्प सुरु करपा खातीर एके कंपनीन तयारी दाखयल्या. कंपनीन दिल्ल्या प्रस्तावाक सरकारान मंजुरी दिल्यार राज्यांत परत व्हडा प्रमाणांत ऊस लागवडीक सुरवात जातली. ताका लागून सरकारान दिल्लो प्रस्ताव मंजूर करपाचो यत्न करपाची गरज आसा. ऊस उत्पादकांकूय सरकारा कडल्यान मंजुरी मेळपाची अपेक्षा आशिल्ल्याची म्हायती गोंय ऊस उत्पादक संघटणेचे अध्यक्ष राजेंद्र देसाय हांणी दिली.
बिरेस्तारा सकाळीं ऊस उत्पादक संघटणेची खासा बसका जाली. ह्या वेळार उपाध्यक्ष हर्षद प्रभूदेसाय, गुरूदास गाड, फ्रांसिस मास्करेन्हास आनी हेर ऊस उत्पादक हाजीर आशिल्ले.
मुख्यमंत्री प्रमोद सावंत हांचे मागणे प्रमाण ऊस उत्पादकांनी जापसालदारकी स्विकारून पीपीपी तत्वाचेर इथेनॉल प्रकल्प सुरु करपा खातीर राज्या भायले एके कंपनीन तयारी दाखोवन सरकाराक प्रस्ताव सादर केलो. कंपनी ऊस उत्पादकांक लागपी बीं, उसाची येरादारी, ऊस तोडणी तशेंच हेर सुविधायो उपलब्ध करतली. समाज कल्याण मंत्री सुभाष फळदेसाय हांच्या सहकार्यान मुख्यमंत्री सावंत हांचे कडेन प्रस्तावा विशीं चर्चा जाली. सरकारान ही प्रक्रिया सुरू केल्यार फुडलें वर्स मेरेन हो कारखानो सुरू करपाची कंपनीची तयारी आसा. सरकारान ह्या प्रस्तावाक मंजुरी दिवन ऊस उत्पादकांच्यो अपेक्षा पुराय करच्यो अशें राजेंद्र देसाय हांणी बसके उपरांत पत्रकारां कडेन उलयतना सांगलें.
कंपनी हेर राज्यांतल्यान ऊस आयात करतली आनी दर दिसा एक हजार टन ऊस वापरतली. सध्या काम करपी कामगाराचो आस्पाव जातलो. कारखान्याची जमीन आनी यंत्रणा वापरून कंपनी कडल्यान इथेनॉल प्रकल्प सुरू केल्या उपरांत सरकाराक थोडी येणावळ मेळटली अशें देसाय हांणी सांगलें.
कंपनी हेर राज्यांतल्यान ऊस आयात करतली आनी दर दिसा एक हजार टन ऊस गळीत करतले. सध्या कार्यरत आशिल्ल्या कामगारांचो आस्पाव करून घेतले. संजीवनी साखर कारखान्याचो जागो तशेंच मशीनरी वापरपी कंपनीं कडल्यान इथेनॉल प्रकल्प सुरु केल्या उपरांत सरकाराक महसूल कांय प्रमाणांत मेळटलो अशें देसाय हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
