भांगरभूंय | प्रतिनिधी
सांपडल्यार संपर्क करपाचो पुलिसांनी मारला उलो
म्हापशें, प्रतिनिधी : शाळेंत वचपाक भायर सरिल्लो शेळपे- धुळेरांतलो साहील मोहन कांबळे (१५) बेपत्ता जाला. ९ ऑक्टोबराक तो सदां भशेन शाळेंत वचपाक सकाळीं भायर सरलो. पण दनपरां तो घरा परतूंक नाशिल्ल्यान घरांतल्यांनी रोखडीच ताचे विशीं चवकशी केली. तेन्ना तांकां कळ्ळें तो ते दीस शाळेंतूच येवंक ना. उपरांत कुटुंबियांनी ताचो सगळे कडेन सोद घेतलो. साहील खंयच सांपडूंक नाशिल्ल्यान ताचो बापूय मोहन कांबळे हांणी म्हापशें पुलिशेंत तो बेपत्ता आशिल्ल्याची कागाळ केली.
सोमारच्यान साहील बेपत्ता आसा. सकाळीं घरांतल्यान भायर सरतना तांणी आपलो मोबायल घराच दवरिल्लो. कागाळ मेळटकच म्हापशें पुलिसांनी रोखडोच ताका सोदपाक सुरवात केली. तो खंय गेला हें कोणाकूच खबर ना.
साहील कोणाक दिसल्यार लागींच्या वा म्हापशें पुलीस स्टेशनाचेर संपर्क करचो असो उलो पुलिसांनी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
