भांगरभूंय | प्रतिनिधी
फोंडें, प्रतिनिधी : वंडाळ्यां भंय घाल्या उपरांत ब्लॅक पँथर तळसाय – धारबांदोडेंच्या वाठारांत पावला. फाटल्या कांय दिसां सावन ब्लॅक पँथर साकोर्डा आनी धारबांदोड्यां वाठारांत रातच्या वेळार भोंवतना दिसता. आपल्या पाळिल्ल्या जनावरांक घरा भितर दवरपाचो वेळ लोकांचेर आयला. ब्लॅक पँथराक धरपा खातीर रान खात्यान वंडाळेंच्या अतुल नायक हांच्या घरा लागसारा सांपळो रचला.
फाटल्या बुधवारा रातच्या ११ वरांचेर एका घरांतल्या सुण्याक शिकार करपाचो यत्न ब्लॅक पँथरान यत्न केलो. पूण घरांत न्हिदिल्ले जागे जाल्ल्यान घराचें दार उघडटांच ब्लॅक पँथर नदरेक पडलो. पूण वंडाळच्या अतूल नायक हांच्या घरांत लायिल्ल्या सीसी टीव्ही कॅमेर्यांत आनी तळसाय गांवांतल्या भुरग्यांक दोन दिसां पयलीं ब्लॅक पँथर दिशिल्ल्यान लोकांचो दुबाव पयस जाला.
ब्लॅक पँथरान साकोड्ड्यां आनी धारबांदोडें पंचायत वाठारांतल्या उधळशे, कुंभारवाडो, गुरके, गवळीवाडो, वंडाळ्या आनी हेर वाठारांनी ब्लॅक पँथर भोंवतना दिसता. ताका धरपा खातीर कुळें रान विभागान वंडाळेंच्या अतुल नायक हांच्या घरा लागसारा सांपळो लावन दवरला. पूण सांपळो लायल्या उपरांत ब्लॅक पँथर शेजारच्या गांवांत दिसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
