भांगरभूंय | प्रतिनिधी
बडटी खातीर आयोगान घेतल्यो 10 बसको
पणजी : गोंय लोकसेवा आयोगान खात्यांतर्गत बडटी समितीच्यो बसका घेवन विवीध खात्यांतल्या 16 अधिकाऱ्यांक बडटी दिल्या. बडटी खातीर आयोगान हालीच्या दिसांनी 10 बसका घेतल्यो.
गोंय लोकसेवा आयोगाचे अध्यक्ष जुझे नोरोन्हा हांचे फुडारपणा खाला सगल्यो बसका जाल्यो. समितीचे वांगडी आशिल्ले मुखेल सचीव आनी आयोगाचे प्रशासकी सचीव बसकांक हाजीर आशिल्ले.
नगर नियोजन खात्यांतल्या 3 अधिकाऱ्यांक नगर नियोजक पदाचेर बडटीच्या प्रस्तावाक मान्यताय दिली. पुलीस खात्यांत रेडिओ मेकॅनीक फांट्यांत 3 अधिकाऱ्यांक पुलीस उपनिरिक्षक पदाचेर बडटी दिली. बंदर कप्तान कार्यालयांत एका अधिकाऱ्याक प्राचार्य पदाचेर बडटी मेळ्ळी. उदका पुरवण खात्यांतल्या 9 अभियंत्यांक सहाय्यक अभियंता पदाचेर बडटी दिली.
सगल्या खात्यांतल्या मेळून 16 अधिकाऱ्यांक आयोगा वरवीं बडटी मेळ्ळ्या.
तशेंच कांय अधिकारी हंगामी कार्यकाळांतल्यान (प्रोबेशन) कायमस्वरूपी नोकरेंत रूजू जाले. गोवा गॅझेटर खात्यांतलो संशोधन अधिकारी, कार्मीक खात्यांतलो गट विकास अधिकारी हे कायमस्वरूपी सेवेंत आयले. भलायकी खात्यांतल्या बऱ्याच अधिकाऱ्यांची हंगामी स्वरूपा वयल्यान (प्रोबेशन) कायमस्वरूपी नेमणूक जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
