भांगरभूंय | प्रतिनिधी
विजापूर, खबरां संस्थाः कर्नाटकांतल्या विजापूर जिल्ह्यांतल्यान एक धक्को दिवपी आनी दुखेस्त घडणूक मुखार आयल्या. विजापूर जिल्ह्यांतल्या चडचाण तालुक्यांतल्या गोविंदपूर वाठारांत जाल्ल्या भिरांकूळ फारफेटींत स जाणांची क्रूर हत्या जाली. सुरवातेच्या म्हायती प्रमाण जमनीच्या वादाक लागून ही हत्या जाल्ल्याचे कळटा.
एकाच वेळार आनी एकाच कारणाक लागून स जाणांची हत्या जाल्ल्यान पुराय विजापूर जिल्ह्यांत खवदळ पडला. हे घडणुकेची म्हायती मेळटकच पुलिसांनी घडमूक सुवातेर येवन पुराय वाठारांत सील केलां. पुलिसांनी खूनाची पुराय चवकशी सुरू केल्या आनी दुबावितांचो सोद घेवतात.
चड म्हायती प्रमाण, गांवांत आयिल्ल्या अनवळखी हल्लेखोरांनी गोळीबार करून स जाणांची क्रूरपणान हत्या केली. प्राथमीक म्हायती प्रमाण फाटल्या कितलेशेच दीस गोविंदपूर गांवांतल्या निराळे आनी गुळगी (गोलगी) ह्या दोन कुटुंबां मदीं जमनी विशीं वाद सुरु आशिल्लो. ह्या दुस्मानकायेक लागून एकाच वेळार ही क्रूर हत्या जाल्ल्याचो दुबाव आसा. ह्या भिरांकूळ फारफेटींत चंदू निराळे, दुंडप्पा निराळे, शिवपुत्र निराळे, राहुल निराळे, समर्थ निराळे आनी शब्बीर नदाफ हांचे वांगडा आनीक एका मनशाक मरण आयलें.
घडणुकेची गंभीरताय जाणून घेवन रोखडोच पुलिसांचो व्हडलो पंगड गांवांत तैनात केलो आनी पुराय वाठारांत सुरक्षा वेवस्था खर केल्या. तशेंच फरारी जाल्ल्या अनवळखी हल्लेखोरांचो सोद घेवपा खातीर खास पुलीस पंगड तैनात केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
