भांगरभूंय | प्रतिनिधी
नवी दिल्ली, खबरां संस्थाः राष्ट्रीय कुटुंब भलायकी सर्वेक्षण 2023-24 (NFHS-6) अहवाल शुक्रारा जाहीर जालो. अहवाला प्रमाण, 2019-21 वर्साच्या तुळेंत बायलां मदीं स्थूलताय 7 टक्क्यांनी वाडल्या.
देशांत घरगुती हिंसाचाराचें प्रमाण 29.2 टक्क्यांवयल्यान 22.3% जालां. जाल्यार बालविवाहांचो वट्ट आंकडो 23.3 टक्क्यांवयल्यान 20.1 टक्क्या मेरेन देंवलो. नोकरी करपी बायलांचें प्रमाण 30.8% जालां, जें पयलीं 25.4% आशिल्लें.
खाजगी हॉस्पिटलांनी जावपी सिजेरियन प्रसुतीचें प्रमाण 54.1 टक्क्यांचेर विक्रमी पांवड्यार आसा. पयल्या 6 म्हयन्यां मेरेन सानुल्यांक ‘फकत स्तनपान’ दिवपाचें प्रमाण 63.7% वयल्यान 55.8% मेरेन उणें जालां.
98.3% वीज आनी 96.5% निवळ उदक घरांनी पावलां. बायलां मदीं इंटरनॅटाचो वापर दुपेटीन वाडून 64.3% टक्के जालो.
संवसारीक भलायकी संघटनेच्या (WHO) अहवाला प्रमाण, भारतांतल्या सुमार 30% बायलां इंटीमेट पार्टनर व्हायोलन्सच्यो बळी पडल्यात. म्हणल्यार तांचो घरकान्न वा जोडीदारान तांचेर मानसीक, अर्थीक आनी लैंगीक हिंसाचार केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
