भांगरभूंय | प्रतिनिधी
पणजी, प्रतिनिधी : लोकभावनेचो आदर करून पेडणे झोनिंग प्लॅन रद्द करपाचो निर्णय सरकारान घेतला. नगर नियोजन मंत्री विश्वजीत राणे हांचे घोषणे उपरांत मुख्यमंत्री डॉ. प्रमोद सावंत हांणी हें निवेदन केलें.
पेडणे झोनिंग प्लॅन रद्द करचो अशी मागणी लोकां कडल्यान जाताली. आमदार तशेच लोकांनी म्हजी भेट घेवन प्लॅन रद्द करपाची मागणी केली. पेडणे म्हालांतल्या आमदारांनी पसून चर्चा केली. हाका लागून श्री. राणे हाणी झोनींग प्लॅन रद्द करपाचो निर्णय जाहीर केलो. सरकार लोकांच्या भावनांचो विचार करून हाचे फुडे आराखडो वा उदरगती विशीं निर्णय घेतलें, अशे मुख्यमंत्री सावंत हांणी सांगले.
मुख्यमंत्री सावंत हांच्या निवेदना पयली विश्वजीत राणे हांणी आराखडो रद्द करपाची घोशणा केली.
पडीक जाग्यांतल्या घरांक निवासी वाठारांत हाडून तांकां संरक्षण दितले. तशेंच फुडें झोनींग प्लॅन करतना लोकांक विश्वासात घेवन निर्णय जातलो, अशे राणे हांणी हे वेळार स्पष्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
