भांगरभूंय | प्रतिनिधी
पांडुरंग गांवकारः ‘‘कोंकणी व्याकरण आनी निबंद” पुस्तकाचें लोकार्पण
पणजीः भाशे भितर व्याकरणांक खूब म्हत्व आसा.व्याकरण हें भाशेचो कणो, हें पुस्तक कोंकणी खातीर म्हत्वाचें थारतलें. तशेंच तें विद्यार्थ्यांक आनी शिक्षकांक लेगीत मार्गदर्शक थारतलें अशें ‘गोवनवार्ता’चे संपादक पांडुरंग गांवकार हांणी सांगलें.शिल्पा विपीन लाड हांच्या ‘ कोंकणी व्याकरण आनी निबंद” पुस्तकाचो 7 ऑक्टोबर दिसा कृष्णदास श्यामा केंद्रीय वाचनालयांत लोकार्पणसुवाळो जालो ह्या वेळार ते मुखेल सोयरे म्हूण उलयताले.
ह्या वेळार कृष्णदासश्यामा केंद्रीय ग्रंथालयाचे क्युरेटर डॉ. सुशांत तांडेल, प्रुडन्ट मिडियाचीवृत्त निवेदिका राधिका कामत सातोस्कार, लेखिका शिल्पा विपीन लाड आनीरेषा बुगडे माचयेर हाजीर आशिल्लीं
तरणाट्यां मदींपुस्तकां वाचपाची रुच निर्माण करप ही आयच्या काळाची गरज आसा. पुस्तकांतल्यानमेळपी गिन्यान बरोबर आनी खरें, वॅबसायटीचेर उपलब्ध आशिल्ली सगली म्हायती खरी आनीयोग्य आसताच अशे ना. हाचे तुळेंत, संदर्भ आनी इतिहासाच्यो चुको तरणाट्यां मुखारउब्यो रावंक शकता अशें कृष्णदास श्यामा केंद्रीय वाचनालयाचे क्युरेटर डॉ. सुशांततांडेल हांणी सांगलें.
शिल्पाविपीन लाड हांणी हें पुस्तक बरयतना खूब कश्ट घेतल्यात आनी खूब बारीकसाणेन अभ्यासकेला. देखून हें पुस्तक शाळेंतल्या विद्यार्थ्यांक ते कॉलेजीच्या विद्यार्थ्यांकउपेगी पडटलें हातूंत दुबाव ना अशें राधिका कामत सातोस्कर हांणी सांगलें.
हें पुस्तकबरयतना हांवें विद्यार्थ्यांक मतींत घेवन बरयलां. विद्यार्थ्यांक हें पुस्तकसहजपणान हाताळपाक मेळचें आनी तें चड सुलभ करपाक मेळचें अशें म्हजें मत आसा. शिल्पाविपिन लाड हांणी ह्या प्रसंगाचेर आपले उमाळे उक्तायले.
ह्या पुस्तकाच्या प्रकाशनाउपरांत सुनील पालकार हांच्या अध्यक्षतायेखाला आमंत्रितांचें कवी संमेलन घडोवनहाडलें. हातूंत सुभाष शाह, मिलिंद भरणे, सुवेदा पालकार, अनघा कामत, महादेवगांवकार, राधिका कामत सातोस्कार, सोनिया शाह, शिल्पा विपीन लाड, शोभा फुलकार, नीताकुर्तिकर, अविनाश कुंकळकार, श्रीगणेश निगळ्ये, एनी दि कोलवाळे, मारिया डॅफोडीलफर्नांडीस, शीतल साळगांवकार हांणी हातूंत वांटो घेतलो.
कार्यावळीचेंसुत्रसंचालन शीतल साळगांवकार हांणी केलें आनी निलेश बुगडे हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
