भांगरभूंय | प्रतिनिधी
भांगरभूंय । खबरां मेज
पणजीः दिल्लींत साक्षी आनी झारखंडांत अनुराधा आनी हेर चलयांची हत्या करपी धर्मांध लव्ह जिहाद्यांक गोळाक लायात तशेंच लव्ह जिहाद विरोधी कायदो करपाची मागणी करपी निवदेन रणरागिणी वतीन उत्तर गोंयचे अतिरिस्त जिल्होधिकारी संजीव गांवस देसाय हाका सादर केलां.
निवेदन भेटोवपाक गेल्ल्या रणरागिणीच्या शिश्टमंडळांत बायल आप मजत गटाची वनिता चिमुलकार, वंदना नायक, शुभदा काणे, प्रतिभा हळदणकार, सोनम शिरोडकार आनी डॉ कल्पिता गडेकार हांचो आसपाव आशिल्लो. हिंदू चलयांक फटोवन मोगाच्या जाळांत ओडून ताचें धर्म परिवर्तन करप, ताचें कडेन निका लावप, न्हयकार दिल्यार बलात्कार करप, ब्लॅकमेल करप, मारून उडोवप, विदेशांत तांकां विकप, शिंदळी वेवसायांत धुकलप ह्या सारकी जातयीं प्रकरणां हाचे पयलीं उक्ताडार आयल्यांत अशें रणरागिणीन निवेदनांत नमूद केलां.
हिंदू चलयो बेपत्ता जावपा फाटल्यान लव्ह जिहादाचो प्रकार आसा काय ना हें सोदून काडपा खातीर चवकशी समिती नेमप, राष्ट्रीय पांवड्यार लव्ह जिहाद विरोधी कायदो आनी धर्मांतरण बंदी कायदो लागून करप, लव्ह जिहादाची प्रकरणां हाताळपा खातीर उत्तर प्रदेश सरकारान केल्या तशी खासा पुलीस फांटो सुरू करपाची मागणी निवेदनांत केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
