भांगरभूंय | प्रतिनिधी
म्हापसा : साखळी, कळंगूटे आनी मडगांव वाठारांत ‘रोलेट कॅसिनो’ जुगार अड्ड्यांचेर थळाव्या पुलिसांनी छापे घालून स जाणां अटक केल्या. तांचे कडल्यान २ लाख २९ हजार ५५० रुपयांचो माल जप्त केला.
दिवचल पुलिसांक सांखळेच्या कारापूर तिस्क वाठारांत ‘रोलेट कॅसिनो’ जुगार अड्डो चलिल्ल्याची म्हायती मेळिल्ली. उपरांत तांणई छापो घालून बुलू ऋषिकेश परिदा हाका अटक केली. पुलिसांनी ताचे कडल्यान १ हजार ५० रुपया आनी ३५ हजारांचें इलेक्ट्रॉनिक्स सामान जप्त केलें. रातीं ताका जामिनाचेर सोडलो. हे विशीं पुलीस हेडकॉन्स्टेबल उल्हास बळवे हांणी कागाळ दिल्ली. कळंगुटे एका दुकानां ‘रोलेट कॅसिनो’ जुगार अड्डो चलिल्ल्याची म्हायती मेळटकच बुधवारा पुलिसांनी त्या दुकानाचेर छापो घालो. अजय कुमार (३२, रा. पर्वरी, मूळ उत्तर प्रदेश) हाका अटक करून ताचे कडल्यान ४५ हजार रुपयांचो माल जप्त केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
