भांगरभूंय | प्रतिनिधी
केंद्रीय मंत्री रामदास आठवले हांणी केली मागणी
पणजी, प्रतिनिधी : रिपब्लीकन पक्षाची गोंयांत ताकद नासली तरी तांकां गोंयांत खंय म्हामंडळ जाय. रिपब्लीकन पक्षाच्या पदाधिकाऱ्याची म्हामंडळ अध्यक्षपदाचेर नेमणूक करची, अशी मागणी केंद्रीय मंत्री आनी रिपब्लीकन पक्षाचे फुडारी रामदास आठवले हांणी मुख्यमंत्री डॉ. प्रमोद सावंत हांचे कडेन मागणी केल्या.
केंद्रीय सामाजिक न्याय मंत्री रामदास आठवले हांणी आयज मुख्यमंत्री सावंत हांची भेट घेतली. दोगांय मदीं तरेकवार विशयांचेर चर्चा जाली. रिपब्लीकन पक्ष हो राष्ट्रीय लोकशाय आघाडीचो (एनडीए) घटक पक्ष आसा. ताची गोंयांत शाखा आसा. विधानसभा वेंचणुकेत रिपब्लीकन पक्षान एकाय मतदारसंघात उमेदवार उबो करीनासतना भाजप उमेदवाराक तेंको दिलो. हाका लागून गोंयांत रिपब्लीकन पक्षाच्या पदाधिकाऱ्याक सरकाराच्या एका म्हामंडळाचो ताबो दिवचो, अशी मागणी पक्षाचो फुडारी ह्या नात्यान हांवे केल्या. खंयचें म्हामंडळ खाली आसा, ताचो सोद घेवपाचे आदेश मुख्यमंत्री डॉ. सावंत हांणी सोमतोच ओएसडीक दिला, अशें आठवले हांणी सांगलें.
एसटी खातीर गोंयांत आरक्षण अशक्य
गोंयांत एसटी (अनुसूचित जमाती) लोकसंख्या उणी आशिल्ल्यान तांकां आरक्षण मेळप शक्य जावचे ना, अशें तांणी सांगलें.
गोंयांत जातीनिहाय जनगणना जावची, तशेच अनुसूचित जाती आनी जमातीच्या लोकांक शेत कसपाक जमीन दिवची. तशेंच अनुसूचित जातीं खातीर स्वतंत्र खातें, अर्थसंकल्पात खासा निधीची तजवीज करपाची मागणी तांणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
