भांगरभूंय | प्रतिनिधी
टॉर्च रिलेचे उक्तावण
पणजी, प्रतिनिधी : राष्ट्रीय खेळां सर्ती खातीर मुळाव्या सुविधांचें काम 100 टक्के पुराय जालां. स्टेडियमाची पळोवणी तशेंच तयारेचो नियाळ घेवप सुरू आसा, अशें मुख्यमंत्री डॉ. प्रमोद सावंत हांणी सांगलें.
गोल्फ आनी सायकलींग सोडून हेर सगळे 41 खेळ गोंयांत जातले, अशें मुख्यमंत्र्यांनी सांगलें. खेळां सर्तीच्या टॉर्च रिलेचे मुख्यमंत्र्यां हस्तुकीं उक्तावण जालें. ह्या वेळार खेळा मंत्री गोविंद गावडे हाजीर आशिल्ले. टॉर्च रिले काणकोण सावन सगळ्या 12 म्हालांची भोंवडी करतली. दरेक म्हालांतले खेळगडे आनी उपविभागी दंडाधिकारी ही टॉर्च घेतले. सप्तका उपरांत तिसवाडी म्हालात टॉर्च रिले भोंवडी कार्यावळीचो समारोप जातलो.
राज्यांत खेळां सर्तीचें 26 ऑक्टोबराक उक्तावण जातलें. 9 नोव्हेंबर मेरेन 28 थळांचेर ही सर्त जातली. सगळ्या लोकांनी आनी विद्यार्थ्यांनी खेळां सर्तींक हाजेरी लावची, अशें आवाहन मुख्यमंत्री सावंत हांणी केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
