राष्ट्रीय खेळां सर्त: 19 तारखे सावन खेळांक सुरवात
भांगरभूंय | प्रतिनिधी
समारोपाची कार्यावळ ताळगाव डॉ. श्यामाप्रसाद मुखर्जी स्टेडियमाचेर
पणजी, प्रतिनिधी : प्रधानमंत्री नरेंद्र मोदी हांचे हस्तुकी राष्ट्रीय खेळां सर्तीचे उक्तावण 26 ऑक्टोबराक आसले तरी प्रत्यक्ष मॅचीक 19 ऑक्टोबर सावन सुरवात जातली. डॉ. श्यामाप्रसाद मुखर्जी स्टेडियमाचेर 19 तारखेक बॅडमिंटन मॅची जातल्यो. मुख्यमंत्री डॉ. प्रमोद सावंत हाणी ही म्हायती दिली.
मुख्यमंत्री सावंत हांणी आयज ताळगावच्या मुखर्जी स्टेडियमाक भेट दिवन तयारीची पळोवणी केली. ह्या वेळार खेळां मंत्री गोविंद गावडे हाजिर आशिल्ले. मुखेल सचिव पुनितकुमार गोयल तशेच हेर अधिकारी हाजिर आशिल्ले.
सर्तीची 99 टक्के तयारी पुराय जाल्या. 15 ऑक्टोबर मेरेन स्टेडियम तशेंच मैदानाचीं कामां पुराय जातलीं. कामाचो नियाळ घेवप सुरू आसा. उक्तावणाची कार्यावळ भव्य स्वरूपाची आसतली. वेळापत्रक निश्चित जाला. सुरक्षा वेवस्था, पार्किंग हांचो नियाळ घेवपाचो वावर सुरू आसा. सर्तीचें मुखेल कार्यालय मुखर्जी स्टेडियमाचेर स्थापन जाला.
9 नोव्हेंबर मेरेन सर्त चलतली. 19 ते 25 ऑक्टोबर मेरेन जावपी गेमींचे उक्तावण जातलें, अशें मुख्यमंत्री सावंत हांणी सांगले. येरादारी, निवास वेवस्था हाचे तयारी खातीर दर दिसा कंत्राटदार, एजन्सी कडेन बसका सुरू आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
