भांगरभूंय | प्रतिनिधी
मडगांव, प्रतिनिधी: राज्यांत राष्ट्रीय खेळां सर्त जाता ही राज्या खातीर आनी राज्यांतल्या लोकां खातीर अभिमानाची गजाल. ताका लागन खेळां ज्योत सगळे कडेन भोंवडावन वातावरण निर्मिती करता. हे सर्तींत गोंयच्या खेळगड्यां सयत लोकांचोय आस्पाव वाडोवपाची गरज आसा अशें आमदार दिगंबर कामत हांणी सांगलें.
राष्ट्रीय खेळां सर्तीची ज्योत मिरवणूक सुरू जाल्या. आयज सकाळीं दक्षीण गोंय जिल्होधिकारी कार्यालयांतल्यान हाची सुरवात जाली. उपरांत मडगांव पालिकेकडेन ही खेळां ज्योत आयल्या उपरांत आमदार दिगंबर कामत, नगराध्यक्ष दामोदर शिरोडकार, उप जिल्होधिकारी उदय प्रभुदेसाय आनी नगरसेवक हांचे हाजेरींत खेळां मिरवणूक फुडें व्हेली.
आमदार कामत हांणी, गोंयांत राष्ट्रीय खेळां सर्त जाली आनी लोकूच ना हें बरें दिसचें ना. ताका लागून हे सर्तींत लोकांनीय आस्पाव घेवचो. तशेंच राष्ट्रीय सर्तींत गोंयच्या खेळगड्यांनी वांटो घेवचो आनी चडांत चड खेळगड्यांक इनामां मेळची अशी आस्त कामत हांणी उक्तायली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
