भांगरभूंय | प्रतिनिधी
एकल्याक अटक; मायणा कुडटरी पुलिसांची कारवाय
मडगांव: घुंवळे वखदां सांबाळिल्ल्या प्रकरणांत मायणा कुडटरी पुलिसांनी रायचो गजीनकर दिगंबर हाका अटक केली. दुबाविता कडल्यान 65 हजारांचो 610 ग्राम ड्रग्स जप्त केलो.
मेळिल्ले म्हायती प्रमाण मायणा कुडटरी पुलिसांनी राय वाठारांत घुंवळे वखदांची विक्री जायत आशिल्ल्याची म्हायती मेळिल्ली. ते प्रमाण पुलिसांनी तपास करतकूच दुबावीत गजनीकर दिगंबर हो रायचो रहिवासी राय हांगासरल्या अॅडम अॅण्ड इव्ह हॉला कुशीक घुंवळे वखदां घेवन आशिल्लो. ताचे दुबावीत हालचालीक लागून पुलिसांक दुबाव आयलो.
पुलिसांनी दुबावीत गजनीकर हाका ताब्यांत घेवन झडटी घेतली तेन्ना ताचे कडेन 65 हजार रुपया मोलाचें 610 ग्राम ड्रग्स जप्त केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
