भांगरभूंय | प्रतिनिधी
भांगरभूंय । प्रतिनिधी
मुरगांवः राष्ट्रीय खेळां सर्ती गोंयांत जातात, ताका लागून खेळा मळार गोंयक एक आदर्श राज्य करपाचो आमचो यत्न आसतलो. राष्ट्रीय सर्तीतल्यो सर्ती राज्यांतल्या वेगवेगळ्या मैदानार जातल्यो. गोंयकारानी त्यो पळोवपाक मुजरत येवचें अशें खेळां मंत्री गोविंद गावडे हांणी सांगलां.
चिखली हांगा खेळ आनी युवा वेव्हार खातें आनी गोंय खेळां प्राधिकरणाच्या नूतनीकरण केल्ल्या क्रिकेट मैदानाच्या उक्तावणा वेळार मुखेल सोयरे म्हणून गावडे उलयतालो. ह्या वेळार दाबोळीचो आमदार आनी पंचायत मंत्री माविन गुदिन्हो, वास्कोचो आमदार कृष्णा साळकार आनी मुरगांवचो आमदार संकल्प आमोणकार . चिखलीचो सरपंच कमलाप्रसाद यादव, मुरगांवचो नगराध्यक्ष गिरीश बोरकार, गोवा क्रिकेट संघटनेचो जोड सचीव रुपेश नायक हाजीर आशिल्लो.
राज्यांत राष्ट्रीय खेळा सर्ती आयोजीत करून सरकारान गोंयचे खेळां उदरगती खातीर एक व्हड पावल घातलां अशें गावडेन सांगलें. राष्ट्रीय पांवड्या वयले खेळगडे गोंयांत खेळटना पळोवन गोंयांतल्या नवोदीत खेळगड्यांक प्रेरणा मेळपाक शकतली अशें माविन गुदिन्होन सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
