भांगरभूंय | प्रतिनिधी
फोंडें: मोलें चेक नाक्यार आयतारा रातीं 11.45 वरांचेर दुचाकी चोरून व्हरतना फैयाज रफीक अहमद आनी नदीम मलीक हांकां कुळें पुलिसांनी अटक केली. वेर्णें सावन चोरयेक गेल्ली दुचाकी घेवन दुबावीत कर्नाटकांत वता आसतना पुलिसांनी ही कारवाय केली.
आयतारा रातीं गस्तीर आशिल्ल्या कुळें पुलिसांनी जीए 08 एपी 7945 क्रमांकाची दुचाकी घेवन वचपी दोगां जाणांक चेकनाक्यार आडावन धरले. ह्या वेळार दुचाकी चालका कडेन गरजेचीं कागदपत्रां नाशिल्ल्याचें दिसून आयले उपरांत पुलिसांनी अदीक चवकशी केली तेन्ना ही दुचाकी वेर्णें सावन चोरयेक गेल्ल्याचें स्पश्ट जालें.
पुलिसांनी हे संंबंदी दुबावितां आड गुन्यांव नोंद करून रातीं उसरां तांकां अटक केली. पुलीस निरिक्षक संजीव दळवी हांच्या मार्गदर्शना खाला उपनिरिक्षक अजय धुरी आनी हेर पुलिसांनी कारवाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
