भांगरभूंय | प्रतिनिधी
भांगरभूंय। प्रतिनिधी
माशेलः ज्येश्ठ नागरीक दिसा निमतान माशेलच्या ज्येश्ठ नागरीक मंचान आठ ज्येश्ठ नागरिकांचो कला आनी संस्कृती मंत्री गोविंद गावडे हांचे हस्तुकीं शाल, श्रीफळ आनी यादस्तीक दिवंन भोवमान केलो. भोवमान केल्ल्यां मदीं दीपाली आ .नायक, सुप्रिया तु .सावंत , हिराबाई म्हा. तारी, मंजुळा श्या. विश्वकर्मा, अमिता चोडणकार, दत्तात्रय वि . कामत सातोस्कार, गीता नी. नायक आनी शंकर पं. फडते गांवकार हाचो आसपाव आसा.
ही कार्यावळ मंचाचो अध्यक्ष सदाशीव रेडकार हाच्या घरांत आयोजीत केल्ली. आवय- बापाय कडल्यान मेळल्लें गिन्यान, संस्कार आनी आशिर्वाद हांका मोल आसना. आवय-बापूय आनी गुरुजनांचो आदर करप ही दरेकल्याची लागणूक आसा अशें गोविंद गावडे हांणे ह्या वेळार सांगलें. माचयेर जिल्हो पंचायत वांगडी श्रमेश भोसले, माशेल पंचायत मंडळाचो सरपंच जयेश नायक, तुळशीदार सतरकार आशिल्लो. भोसले आनी जयेश नायकान आपले विचार मांडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
