भांगरभूंय | प्रतिनिधी
फोंडें, प्रतिनिधी : बेतोडा सरपंचपदार मधू खांडेपारकार हांची बिरेस्तारा सकाळीं जाल्ले बसकेंत विरोधा विणें निवड जाली. मधू खांडेपारकार हांकां ११ वर्सां उपरांत परत सरपंचपद मेळ्ळें. उमेश गावडे हांणी सरपंच पदाचो राजीनामो हें सरपंचपद रितें आशिल्लें.
शिरोडा मतदार संघांतल्या बेतोडा पंचायतींत बिरेस्तारा सकाळीं सरपंच पदा खातीर खांडेपारकार हांचो एकूच अर्ज दाखल जाल्लो. ताका लागून अधिकार्यांनी खांडेपारकार हांची विरोधा विणें निवड जाहीर केली. ह्या वेळार सगळे पंच वांगडी हाजीर आशिल्ले.
सरपंचपदार निवड जाल्या उपरांत खांडेपारकार हांणी सगळ्या पंच वांगड्यांनी दाखयल्ल्या विश्वासाक वेर येवपाक दिवची ना. सगळ्यांक विस्वासांत घेवनूच पंचायत वाठारांतलीं उदरगतीचीं कामां करतली. तशेंच उदकास्रोत मंत्री सुभाष शिरोडकार हांच्या मार्गदर्शना खाला पंचायत वाठाराची उदरगत करपाचेर चड भर दितले अशें तिणें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
