भांगरभूंय | प्रतिनिधी
घोवान केली उच्च न्यायालयांत याचिका दाखल
सूरत, खबरां संस्था ः पीडितांक न्याय दिवपाचें काम देशाचे न्यायवेवस्थेंतल्यान सातत्यान जाता. पूण जायते फावटीं वेगवेगळीं प्रकरणां न्यायालयांत सुनावणी खातीर येतात. अशेंच एक प्रकरण सध्या गुजरात उच्च न्यायालयांत सुनावणी खातीर आयलां. तातूंत घोवान न्यायालयांत वचून आपली बायल फकत वीकएंड्साक म्हळ्यार शेनवार आनी आयतारा आपणाक वेळ दिता अशें सांगून न्यायालयांत संपर्क सादलो. विशेश म्हळ्यार बायलेनय घोवाच्या ह्या याचिके आड वेगळी याचिका दाखल केल्या आनी ही याचिका न्हयकारची अशी मागणी केल्या.
नेमकें कितें घडलें?
सूरतांत रावपी एका मनशान हिंदू लग्न कायद्याच्या कलम 9 खाला आपल्या बायले आड याचिका दाखल केल्या. हे याचिके प्रमाण बायलेक आपल्या वांगडा रावपाचो आदेश न्यायालयान दिवचो अशी मागणी घोवान केल्या. भुरगे जाले उपरांत बायल कामाचे कारण दिवन आवय- बापाय वांगडा रावता आनी हो घोव म्हणून आपल्या हक्कांचो भंग आसा असो दावो घोवान याचिकेंत केला.
मजगतीं, एके वटेन घोवान आपल्या हक्काचेर आदारून याचिका दाखल केल्या जाल्यार बायलेन तेच हक्क सांगून ही याचिका न्हयकारपाची मागणी केल्या.
घोवान केल्लो दावो न्हयकारून बायलेन आपूण आपलीं सगळीं कर्तव्यां पाळटा असो दावो केला. “हांव एक बायल म्हणून म्हज्यो सगळ्यो जापसालदारक्यो पुराय करतां. सप्तकांतल्यान दोन फावटीं घोवाच्या घरा वता. देखून ही याचिका न्हयकारची”, अशी मागणी बायलेन केली.
मजगतीं, गुजरात उच्च न्यायालयान घोवान ह्या प्रकरणांत आपली सविस्तर स्थिती मांडपा खातीर 25 जानेवारीची तारीख दिल्या. न्यायाधीश व्ही. डी. नानावटी मुखार ही सुनावणी चालू आसा. बायलेन आपल्या वांगडा रावपाची मागणी केली जाल्यार हांतूत घोवाची कितें चूक? असो प्रस्न विचारतना घोवाक अशे परिस्थितींत बायले आड याचिका दाखल करपाचो अधिकार ना? न्यायालयान दोनूय वटांच्या वकिलांक हे विचारलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
