भांगरभूंय | प्रतिनिधी
पणजी, प्रतिनिधी : गोंयांत थानाच्या कांक्र दुयेंसाचें प्रमाण वाडत आसा. स्वास्थ्य महिला स्वास्थ्य गोवा, येवजणे खाला सगळ्या भलायकी केंद्रांनी थानाच्या कांक्रा दुयेंसाची फुकट चाचणी जातली. भलायकी मंत्री विश्वजीत राणे हांणी ही म्हायती दिली.
स्वास्त्थ महिला स्वास्त्थ गोवा ही येवजण 2021 वर्सा सुरू जाल्ली. तिचे खाला पुराय ऑक्टोबरांत थानांच्या कांक्र दुयेसाची फुकट चाचणी जातली. सगळ्या भलायकी केंद्रांनी ही सुविधा उपलब्ध आसतली.
गोंय सरकार ऑक्टोबर म्हयनो हो काक्र जागृताय महिनो म्हूण मनोवपाचे आसा. फुकट चाचणी हो हे जागृतायेचो भाग आसतलो. आय ब्रेस्ट एक्साम या उपकरणान ही चांचणी जातली. भलायकी केंद्राचे अधिकारी आनी कर्मचारी हांकां चांचणीचे प्रशिक्षण दिलां. स्टेट बँक फाऊंडेशन आनी इंडियन इन्स्टिट्यूट ऑफ बँकिंग अँड फायनान्स ह्या संस्थांनी ह्या प्रकल्पाक अर्थीक मजत केल्या. दोन वर्सांत एक लाख बायलांची तपासणी करपाचें उद्दिष्ट ह्या उपक्रमा खाला आसा, अशें भलायकी मंत्र्यांनी स्पष्ट केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
