भांगरभूंय | प्रतिनिधी
वास्को, प्रतिनिधी ः बायणाच्या कामत गॅरेजी लागसारचो व्यस्त रस्तो ‘क्रॉस ड्रेनेज’ खातीर खणून काडले उपरांत संबंदीत कंत्राटदारान तो परतून सारको करुंक नाशिल्ल्यान वाहन चालकांक खास करून स्कुटर चलोवप्यां खातीर धोक्याचो थारला. दुर्दैवी घडणूक घडचे पयलीं तो सारको करपाची गरज आसा अशें मत थळाव्यांनी उक्तायलां.
ह्या रस्त्या वयल्यान शार आनी बायणा वाठारा कडेन व्हड प्रमाणांत गाडयो यो- वच करतात. रस्तो हॉटमिक्स केल्लो. ते उपरांत कंत्राटदारान ‘क्रॉस ड्रेनेज’ बांदपा खातीर तो खणलो. हाका लागून बांदकामाच्या आनी पावसाच्या दिसांनी वाहन चालकांक त्रास सोंसचे पडले. काम पुराय जाले उपरांत रस्तो परतून बांदपाची गरज आशिल्ली. पूण ताचे कडेन दुर्लक्ष जालें. रस्त्या परस क्रॉस ड्रेनेज उंचायेचेर आसा. तशेंच रस्त्यार घाल्ल्या काँक्रिटापसून खडी आनी शिमीट वेगळें जालां. थंय खडी पातळिल्ल्यान दुचाकी वाहन चालकांक त्रास सोंसचे पडटात. पावसाचे उदक रस्य्यार सांठून उरता. हाका लागून अपघात जावपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
