भांगरभूंय | प्रतिनिधी
मडगांव, प्रतिनिधी : बाणावलेच्या पुलवाडो नाक्याचेर जनरेटराची येरादारी करपी टेम्पो वेगान येवन एका दोन चाकी चालकाक धपको दिल्लो. उपरांत चालकाचो गाडये वयल्यान ताबो सुटिल्ल्यान टेम्पो सरळ रस्त्या कुशीकचे फार्मसींत घुसलो. ह्या वेळार जखमी अवस्थेंत गोमँकोंत दाखल केल्ल्या रोहित रेडकार (२५) हाका उपचारा मजगतीं मरण आयलें. चालकाचेर अजूनय उपचार चालूच आसा.
आयतारा सांजे वेळार सवाय पांचांक हो अपघात घडिल्लो. वार्काच्यान मडगांवां वचपी जनरेटर आशिल्लो टॅम्पो वेगान येवन सरळ फार्मासींत घुशिल्लो. आयतार आशिल्ल्यान फार्मसी बंद आशिल्ली. ताका लागून कोणाक कांयच जावंक ना. ह्या अपघातांत टेम्पोचालक निर्मल कुल्हू (मूळ झारखंड) हो जखमी जाल्लो. ताचेर दक्षीण गोंय जिल्हो हॉस्पिटलांत उपचार सुरू आसात. फार्मसींत घुसचे पयलीं टॅम्पोचालकान रस्त्या वयल्यान वचपी दुचाकीक धपको दिल्लो. टॅम्पोच्या धपक्यान गुड डिलिव्हरी करपी रोहित रेडकार हो तरणाटो गंभीर जखमी जाल्लो. ताका दक्षीण गोंय जिल्हो हॉस्पिटलांत दाखल केल्लो. उपरांत जीएमसींत धाडलो. उपचारा मजगतीं ताका मरण आयलें. कोलवा पुलिसांक टॅम्पो चालका आड गुन्यांव नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
