भांगरभूंय | प्रतिनिधी
बंगळुरू, खबरां संस्था: बंगळुरूच्या अटीबेले वाठारांतल्या माराणांच्या दुकानाक उजो लागून 14 जाणांक मरण आयलें. काल सांजवेळा ही दुर्घटना घडली. जखमी जाल्ल्या दोगांक आयतारा सकाळीं उपचारा वेळार मरण आयलें. दुकानदारा सयत चार जाणांक किरकोळ घावे जाल्ल्याचें पुलिसांनी सांगलें.
हो उजो पालयले उपरांत दुकानांत 12 कुडी सांपडल्यो. काल दनपरां साडे चार वरां सुमाराक ही दुर्घटना जाली. दसरो- दिवाळे खातीर खातीर फोग सांठोवन दवरताले. गाडयेंतल्यान फोगाचें बॉक्स देंवयतना हो उजो लागिल्ल्याचें समजता.
35 लोक आशिल्ले हाजीर
बालाजी क्रेकर्सच्या दुकानांत गाडयेंतल्यान माराण्यांचीं बाॅक्सां सकयल देंवयतना हो उजो लागला अशी घडणुके सुवातेर हाजीर आशिल्ल्यांनी म्हायती दिली. हांगा 35 जाण काम करताले. मरण आयिल्ले चडशे जाण धर्मपुरी जिल्ह्यांतले अम्मलपेटाई, तिरुपत्तूर, वानियांबडी आनी शेजारच्या तामिळनाडू, कल्लाकुरिची हांगाचे आशिल्ले. दुकान धनी नवरात्रां आनी दिवाळी लागीं पाविल्ल्यान फोग सांठोवन दवरपाची तयारी करताले.
उज्याक लागून दुकाना कुशीक आशिल्लीं खुबशीं वाहनांय जळून गोबोर जालीं. जखमीं मदीं गोदाम धनयाचोय आसपाव आशिल्लो. दुकान धनी आनी ताच्या चल्या आड गुन्यांव नोंद जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
