भांगरभूंय | प्रतिनिधी
येरादारी नेमांक पाळो दिवपाचें केलें आवाहन
फोंडें: उत्तर गोंय येरादारी पुलीस अधिक्षक बोन्सेंत सिल्वा हांणी बुधवारा सकाळीं फोंडें वाठारांत वाहन चालकां मदीं संवाद सादून येरादारी नेमांची जाणीव करून दिली. ह्या वेळार फोंडें येरादारी पुलीस स्टेशनाचे निरिक्षक कृष्णा सिनारी, सहाय्यक उपनिरिक्षक मोहन हळदणकार आनी हेर कर्मचारी हाजीर आशिल्ले.
येरादारी नेमांक पाळो दिनाशिल्ल्यान अपघातांनी वाड जाल्या. ताका लागून वाहन चालकांक जागृत करून येरादारी नेम पाळपा खातीर जागृताय केली. ह्या वेळार येरादारी पुलीस अधिक्षक बोन्सेंत सिल्वा हांणी खूबशा येरादारी नेमांक पाळो दिवंक नाशिल्ल्या वाहन चालकां कडेन संवाद सादलो. खूबशा वाहन चालकांक नेमांक पाळो दिवचो अशे सल्ले ह्या वेळार दिले.
येरादारी नेमांक पाळो दीत जाल्यार वाडट्या अपघातांचेर नियंत्रण येवंक शकता. तशेंच रस्त्याचे कुशीक लायिल्ले फलक वाचून वाहन चलोवपाची विनंती ह्या वेळार येरादारी पुलीस अधिक्षक बोन्सेंत सिल्वा हांणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
