भांगरभूंय | प्रतिनिधी
मडगांव: फातोड्ड्यां विराभाट अंबाजी वाठारांतल्या कार्मिना मिरांडा हांच्या घराचेर आंब्याचें झाड पडलें. हातूंत घराच्या पाख्याचें लुकसाण जालें. उजो पालोवपी दळान घराचेर पडिल्लें झाड कुशीक काडलें.
उजो पालोवपी दळा कडल्यान मेळिल्ले म्हायती प्रमाण, फातोड्ड्यां दक्षीण गोंय जिल्हो हॉस्पिटला कुशीच्या विराभाट अंबाजी वाठारांत कार्मिना मिरांडा हांच्या घरा कुशीचें आंब्याचें झाड पडलें. ही घडणूक बिरेस्तारा दनपारां बारा वरांच्या सुमाराक घडली. हातूंत कोणाकूच दुखापत जाली ना. पूण घराच्या पाख्याचेर झाड पडिल्ल्यान किरकोळ लुकसाण जालें.
मडगांव उजो पालोवपी दळाक हाची म्हायती मेळटकूच उजो पालोवपी दळाचे जवान रोखडेच घडणूक थळार दाखल जाले आनी घराचेर पडिल्लें झाड कुशीक काडलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
