प्रथिनां चड आशिल्लीं फळां…

भांगरभूंय | प्रतिनिधी

जेन्ना प्रथिनां विशीं भासाभास जाता तेन्ना पयली गजाल मनांत येतात ती म्हळ्यार मांस, नुस्तें आनी तांतयां. पूण सगळेच लोक मांस खावंक शकनात. देखून ह्या स्थितींत तांकां हेर पर्याय सोदचे पडटात. आमचे कुडी खातीर प्रथिन खूब म्हत्वाचें. ताणें आमचे स्नायू आनी कुड घट उरता.
प्रथिना खातीर चड मांस खावप हानीकारक थारूंक शकता. कारण ताका लागून तुमकां खूब चरबी मेळटा जाका लागून पोट आनी कमरेचेर चरबी जाता. देखून चरबी नाशिल्लीं आनी प्रथिनां भरपूर आशिल्लीं खाणां वेंचून काडचीं.
प्रथिनां चड आशिल्लीं फळां

पेर

पेर हें एक रुचीक फळ आसून तें तुमी सरळ वा सॅलडाच्या रुपांत खावंक शकतात. ताचो रोस वा जेलीय तयार करतात. ताचो रंग तांबडो वा धवो आसता. तांतूत फायबर खूब आसता. शंबर ग्राम पेर खाल्यार 2.6 ग्राम प्रथिन मेळूंक शकता.

खाजूर

भलायके खातीर खाजूर खूब फायदेशीर. खाजूर वेगवेगळ्या तरांनी खावंक मेळटा. युनायटेड स्टेट डिपार्टमेंट ऑफ अॅग्रीकल्चरच्या म्हणण्या प्रमाण 100 ग्राम खजूरांत 2.45 ग्राम प्रथिन आनी 8 ग्राम तंतू आसता.

पासां

पासां वेगवेगळ्या पाककृतींनी आनी गोड पदार्थांत वापरतात. पासां द्राक्षां सुकोवन तयार करतात. 100 ग्राम पासांत 3 ग्राम प्रथिन आसता.

सुकयल्लें आलुबुखार

आलुबुखार हें सुकें फळांत प्रथिन भरपूर आसता. डी-हायड्रेशन करून ते तयार करूं येता. तातूंत जायतीं जीवनसत्वां आनी खनिजां आसतात. 100 ग्राम सुकयल्ले आलुबुखार खाल्यार 2.18 ग्राम प्रथिन मेळटा.