भांगरभूंय | प्रतिनिधी
मामलेदार कचेरे कडल्यान कारवाय
म्हापशें: पेडें – कामरखाजन हांगा राष्ट्रीय म्हामार्गाचे कुशीक टाकावू साहित्य उडोवपी ट्रक जप्त केलो. बार्देस मामलेदार कचेरे कडल्यान ह्या बेकायदो प्रकाराचेर मोहीम राबयल्या. ते प्रमाण बुधवारा दोन ट्रक जप्त केल्ले.
बिरेस्तारा सकाळीं पेडें-कामरखाजन हांगा सतआधार कॉम्प्लेक्साचे कुशीक एक ट्रक टाकावू साहित्य उडोवन जमीन पुरयत आशिल्ल्याचें मामलेदार कचेरेच्या पंगडाक दिसून आयलें.
ते प्रमाण म्हापशें पुलिसांक आपोवन संबंदीत ट्रक चालकाक जाप विचारून धारेर धरलो आनी उडयिल्लें सगलें साहित्य परतून ट्रकांत भरपाक भाग पाडलें. उपरांत हो ट्रक म्हापशेंचे पुलीस हवालदार तुकाराम शिरोडकार हांचे कडेन सुपूर्द केले उपरांत तांणी तो जप्त केलो.
मामलेदार कचेरेचे अव्वल कारकून शैलेश कोठावळे आनी सहकारी कर्मचाऱ्यांनी मामलेदार प्रवीण गांवस हांच्या मार्गदर्शना खाला ही कारवाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
