भांगरभूंय | प्रतिनिधी
पणजी, प्रतिनिधी : मांद्रेचे आमदार जीत आरोलकर हांचो विरोध आनी लोकांच्या आंदोलना उपरांत पेडणेचो झोनींग प्लॅन स्थगीत दवरपाचो निर्णय सरकारान घेतला. नगर नियोजन मंत्री विश्वजीत राणे हांणी पत्रकार परिशदेत ही म्हायती दिलीलोकांक विस्वासांत घेवन हाचे फुडें आमी निर्णय घेतले. सध्या झोनिंग प्लॅन स्थगीत दवरपाचो निर्णय जाला. हाका लागून आतां झोनिंग प्लानाचेर आनीक चर्चा जावची ना, अशे मंत्री राणे हांणी स्पश्ट केलें. मांद्रेंचे आदले आमदार तशेच भाजप फुडारी दयानंद सोपटे, पेडणे म्हालांतले पंच आनी हेर लोकां कडेन हांवें चर्चा केली. मुख्यमंत्री डॉ. सावंत तशेच केंद्रीय फुडाऱ्यां कडेन सुद्धां हांवें भासाभास केल्या. केंद्रीय गृह मंत्र्यां कडेनूय उलयलां. सर्गेस्त मनोहर पर्रीकर हांणी मुख्यमंत्री आसतना प्रादेशिक आराखडो जसो स्थगीत दावरिल्लो, तसोच आतां पेडणेंचो झोनिंग प्लॅन सरकारान स्थगीत दवरला.
हांव आदल्या नगर नियोजन मंत्र्या सारको न्हय. म्हजें वेगळें चारित्र्य आसा. म्हज्या बाबाची हजारांनी हेक्टर जमीन आसा. तरी म्हजी मांद्रे वा पेडणे हांगां एक इंच पसून जमीन ना, अशें नगरनियोजन मंत्री विश्वजीत राणे हांणी सांगलें.
झोनिंग प्लॅना संबंदी म्हजो कासलोच सुवार्थ ना. मांद्रे वा पेडणे हांगां म्हजी एक इंच पसून जमीन ना, अशे मंत्री राणे हांणी सांगलें.
नगर नियोजन खातें हाचे फुडले सगळे निर्णय लोकांक विश्वासात घेवन घेतले, अशेय राणे हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
