भांगरभूंय | प्रतिनिधी
भांगरभूंय । प्रतिनिधी
केरी-सत्तरीः काम्पाल- पणजेच्या बाल भवन केंद्रा वतीन विद्यार्थ्यां खातीर आयोजीत केल्ल्या गोंय पांवड्या वयले पर्यावरणपूरक गणपती मूर्ती तयार करपाचे सर्तींत कुडचिरेंच्या जे राणे सरकारी माध्यमीक विद्यालयाच्या 15 वर्सां पिरायेच्या विघ्नेश विष्णू शेटकार हाका पयलें इनाम फावो जालें.
विघ्नेशान चिकण मातयेची एक फुटाची मूर्ती तयार केल्ली. ताका शिक्षक रोहिल सातोडकार आनी ताचो बापूय विष्णू शेटकार हाणे मार्गदर्शन केलें. ताणे मेळयल्ल्या ह्या येशा खातीर हायस्कुलाचो मुख्याध्यापक श्रीकृष्ण नायक तशेच पालक-शिक्षक संघ आनी कर्मचाऱ्यांनी ताका परबीं भेटयल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
