भांगरभूंय | प्रतिनिधी
रामतळें – हळदोण्यांतलो प्रकार
म्हापशें, प्रतिनिधी ः रामतळें – हळदोण्यां पालखे वेळार पालखेक येवकार दिवपाक पणटी पेटयतना दिक्षिता नायक (32) लासून गंभीर जखमी जाली. तिचेर गोमेकॉत उपचार चालू आसात. ती ७० टक्के लासल्या.
ही घडणूक सोमारा 13 तारखेक रातच्या सुमार 9 वरांचेर घडली. जखमी दीक्षिता पणट्यो पेटयताली. पालखी घरा लागीं पावता तें पळोवन तिणें गडबडीत पण्टेंत तेला बदला चुकून पॅत्रॉल घालें आनी पणटी पेटयतना तो उजो लागलो. हातूंत तिच्या हातांतली पेट्रोलाची बाटली तिच्या आंगाचेर उडली आनी ती उजो लागून गंभीर जखमी जाली. भोंवतणच्या लोकांनी उजो पालोवपाचो यत्न केलो.
रोखडीच तिका म्हापशेंच्या जिल्लो हॉस्पिटलांत व्हेली आनी उपरांत फुडल्या उपचारा खातीर बांबोळे गोमेकॉत दाखल केली. ह्या प्रकरणांत म्हापशें पुलीस फुडली चवकशी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
