भांगरभूंय | प्रतिनिधी
एकल्याक मरण, दोग जाण जखमी
पणजी, प्रतिनिधी ः बंगळुरू सावन गोंय कडेन वैजकी सामान घेवन येतना आयज सकाळीं 8 वरांचेर टेंपोन (KA-53AA-0775) नागरगल्ली गांवांत झाडाक धपको दिलो. ह्या अपघातांत टेंपो चालक सय्यद निजाम (१९) हाका मरण आयलें जाल्यार ताचे वांगडी माझ शेख (१९) आनी तोहीर शेख (१९) हे दोग जाण जखमी जाल्यात.
अपघाताची म्हायती मेळटकूच बचाव पंगड थंय पावलो. सध्या ड्रायव्हर निजामाची कूड गाडयेंत आडकल्या. गाडी उखलपा खातीर क्रेन आपयल्या.
मजगतीं, आयज सकाळीं 4 वरांचेर ह्याच मार्गाचेर मुंदवाड क्रॉसा लागसार बेळ्ळारी- पणजी कर्नाटकाची बस उलटून एक बायल जखमी जाली. दोनूय घडणुको लोंढा पुलीस स्टेशनाच्या वाठारांत घडल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
