भांगरभूंय | प्रतिनिधी
सुलक्षणा प्रमोद सावंत ः होंडा भोवभाशीक कवीसंमेलन
भांगरभूंय प्रतिनिधी
दिवचल ः दरेके देवस्थान समितीन समाजीक आनी सांस्कृतीक कार्याचो भार उखलप गरजेचो. समाजीक मळार वावर करतना आपली अशी वेगळी वळख करून दिवची अशें आवाहन भाजपाची महिला फुडारी समाजसेविका सुलक्षणा प्रमोद सावंत हांणी केलें.
कुडणें-होंडाच्या श्री आजोबा देवस्थानांत वर्सावळी प्रमाण शेनवारा रातीं संजय प्रभू तेंडुलकर आयोजीत भोवभाशीक कवीसंमेलन जालें. ह्या वेळार सुलक्षणा सावंत मुखेल सोयरीं म्हणून हाजीर आसलीं. ह्या वेळार तांचे वांगडा माचयेर डाॅ. प्रकाश वझरीकार, अध्यक्ष विठोबा वांतेकार, भांडारी सत्यवान नायक आनी संजय प्रभू तेंडुलकार हाजीर आसले.
दरेके देवस्थान समितीन मंदिर वाठारांत समाजीक आनी सांस्कृतीक कार्याचो भार उखलचो. समाजीक मळार काम करतना एक वेगळी वळख करून दिवची. श्रावण म्हयन्यांतलें मंदिरांत जावपी हें कवीसंमेलन आनी कवी सदांच आमचे यादींत उरतले अशें सुलक्षणा सावंत हांणी सांगलें.
ह्या कवीसंमेलनांत ज्येश्ठ, तरणाटे आनी बाल कवी मेळून पंचवीस कवींनी वांटो घेतलो.
ह्या वेळार डाॅ. प्रकाश वझरीकार हांचेंय उलोवप जालें. दया तेंडुलकार हांणी येवकाराचें उलोवप केलें आनी तांणीच सोयऱ्यांची वळख करून दिली. ह्या कवीसंमेलनांत ज्येश्ठ साहित्यीक कवी, मोहन कुलकर्णी हांचे सयत दिलीप धारगळकार, अॅड. अजितसिंह राणे, वामन गाडगीळ, शुब्रा लोंढे, पत्रकार सुरेश बायेकार, किर्ती च्यारी, समिक्षा शेट शिरोडकार, माधवी प्रभू तेंडुलकार, राघोबा परब, रेश्मा सावंत, अभिलाषा गुरव, संगीता बांदोडकार, अंजली भगत, दीपिका भगत, आसावरी कुलकर्णी, रुची परब, महादेव गांवकार, सागर प्रभू, रुची परब, रेंजी परब, उषा गायतोंडे, विशाल गांवस आनी अविनाश नायक ह्या कवींनी कविता सादर केल्यो.
कार्यावळीचें सुत्रसंचालन कात्यायनी घाटवळ आनी प्रणिता शिरगांवकार हांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
