भांगरभूंय | प्रतिनिधी
फोंडें, प्रतिनिधी: कुळेंच्या दुदसागर घसघश्याचेर वचपी पर्यटकांक घेवन वचपी जीप गाडयांचो हंगाम बिरेस्तारच्यान सुरू जालो. जीटीडीसीचे अध्यक्ष गणेश गांवकार हांचे हस्तुकीं हंगामाची सुरवात जाली. पर्यटकांक बरी वागणूक दिवपा वांगडा बर्यो सुविधा दिवपाचो उलो तांणी ह्या वेळार मारलो.
ह्या वेळार कुळेंचे सरपंच गोविंद शिगांवकार, रान अधिकारी सिद्धेश नायक, पुलीस निरीक्षक सगुण सावंत, दुदसागर संघटणेचे अध्यक्ष अशोक खांडेपारकार आनी हेर ग्रामस्थ हाजीर आशिल्ले.
आमदार गणेश गांवकार हांणी दुदसागर घसघसो बिरेस्तारच्यान पर्यटकां खातीर उक्तो जाल्ल्यान दरेका पर्यटकांची काळजी जीप चालकांनी घेतल्यारूच हांगा फुडाराक पर्यटक वाडटले अशें सांगलें. घसघश्या मेरेनचो रस्तो पुरायेन नितळ दवरपाची गरज आसा. तशेंच पंचायत मंडळानूय पर्यटकांची काळजी घेवपाची गरज आसा अशें तांणी सांगलें. दुदसागर धबधब्याचेर पर्यटकांक घेवन वचपी जीप गाडयांचो दर वाडोवपाची गरज आसा. हे विशीं मुख्यमंत्री प्रमोद सावंत हांचे कडेन चर्चा जाली. रान खात्यान लागू केल्ल्या अटी पाळपाचो उलो गणेश गांवकार हांणी मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
