भांगरभूंय | प्रतिनिधी
पार्क केल्ल्या दुचाकींचीं पिंजलीं सिटां
दिवचल: दिवचले रस्ताद सुण्यांनी खवदळ घाला. हाचेर वेळारूच योग्य कारवाय केली ना जाल्यार लोकांच्या जिवार येवंक शकता अशें चित्र आसा.
रस्ताद सुणीं लोकांचेर धांवून येतात. सकाळीं भोंवपाक वचप्यांक जीव मुठींत घेवन वचचें पडटा. वोडली बाजार वाठारांत नागरिकांच्यो पार्क केल्ल्या 5 ते 6 दुचाकीचीं सिटां ह्या सुण्यांनी पिंजून उडयलीं. शेनवारा रातीं एका इमारतीचे सकयल ह्या दुचाकींचीं सिटां पिंजून उडयलीं. हो प्रकार सदचोच जाला अशें थळाव्या लोकांनी सांगलें.
सगलीं कडेन रस्ताद सुण्यांनी खवदळ घाला. दुचाकी फाटल्यान जाल्यार हीं सुणीं हमखास धांवून वतता. हाका लागून ल्हान-व्हड अपघातूय घडल्यात. दिवचले कांय नागरिकांनी हे समस्ये विशीं पालिकेंत खूबशे फावटी निवेदन दिलां. फाटलीं कांय वर्सां प्रशासना वतीन ह्या रस्ताद सुण्यांक धरून तांचें निर्बिजीकरण करतात. पूण निर्बिजीकरण करून लेगीत ह्या सुण्यांची संख्या वाडटा कशी? हें एक कुवाडेंच आसा. ह्या सुण्यां मदीं कांय दुयेंस जाल्लीं सुणीं लेगीत आसात. तांणी एखाद्याक घांस मारत जाल्यार ताच्या जिवार येवपाची शक्यताय आसा.
प्रशासनान ताकतिकेन हाचेर उपाय येवजण करची आनी ह्या सुण्यांचो बंदोबस्त करचो अशी मागणी लोकांनी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
