भांगरभूंय | प्रतिनिधी
जीएमसींत चलतात उपचार
पणजी, प्रतिनिधी : कांपाल- पणजे आयज एक भिरांकूळ घडणूक घडली. तीग नेण्ट्या चल्यांनी आपलेच पिरायेच्या चल्याचेर हल्लो करून ताका गंभीर जखमी केलो. सध्या ताचेर जीएमसींत उपचार चलतात. हे सगळे चले १५ ते १७ वर्सां पिराये मजगतींचे आसात. ही घडणूक घुवळे वखदांक लागून घडिल्ल्याचें कळटा.
हे विशीं मेळिल्ले म्हायती प्रमाण, ह्या भुरग्यांनी ताका बेस बॉलाच्या बॅटान मारलो. हातूंत तो गंभीर जखमी जाला. ताची भलायकी गंभीर आशिल्ल्याचें हॉस्पिटलाच्या सुत्रांनी सांगलां. पुलिसांनी हल्लो करपी तिगूय भुरग्यांक मेरशे सुदारघरांत धाडल्यात. पणजी पुलीस फुडलो तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
