भांगरभूंय | प्रतिनिधी
दोन बिबट्यांच्या झगड्यांत एकल्याक मरण; मुळावो अदमास
फोंडें: तिशें-बोरी हांगासरल्या विठोबा देवूळ वाठारांत काल (मंगळारा) सकाळीं मरण आयिल्लो बिबटो दिसून आयिल्ल्यान वाठारांत एकूच खवदळ पडलो. मरण आयिल्ल्या बिबट्याची दोतोरांनी तपासणी केली. तांचो अहवाल आयले उपरांत मरणाचें कारण स्पश्ट जातलें. पूण दोन बिबट्यांच्या झगड्यांत एकल्याक मरण आयिल्ल्याचो मुळावो अदमास उक्तायतात.
काल सकाळीं देवूळ वाठारांत मरण आयिल्लो बिबटो दिसून आयिल्ल्यान थळाव्या लोकांनी रान खात्याच्या अधिकाऱ्यांक म्हायती दिली. उपरांत फोंडें रान विभागाचे अधिकारी दीपक तांडेल आनी हेर कर्मचाऱ्यांनी घडणूक थळार धांव घेवन पंचनामो केलो. तज्ञ दोतोरांनी मरणा उपरांतची तपासणी केली आनी तांचो अहवाल मेळ्ळे उपरांतूच बिबट्याच्या मरणाचें कारण स्पश्ट जातलें.
फोंडें रान विभागाचे अधिकारी दीपक तांडेल हांणी दोतोरां कडल्यान मरण आयिल्ल्या बिबट्याची मरणा उपरांतची तपासणी केली. दोन बिबट्यांच्या झगड्यांत एका बिबट्याक मरण आयिल्ल्याचो मुळावो अदमास आसा. दोतोरांच्या अहवाला उपरांत मरण आयिल्ल्याचें कारण स्पश्ट जातलें अशें अधिकाऱ्यांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
