भांगरभूंय | प्रतिनिधी
पणजी: हैदराबाद पुलिसांनी ड्रग्स तस्करी प्रकरणांत एका परस चड गुन्यांवांनी वांटेकार आशिल्ल्यान कार्लीस क्लबाचो एडवीन नुनीस हाका प्रतिबंधक अटक करून बंदखणींत उडयिल्लो. हे विशीं जारी केल्लो आदेश तलंगणा उच्च न्यायालयान रद्द करून ताची सुटका केल्या.
ह्या प्रकरणांत एडवीन नुनीसाची घरकान्न अर्पा नुनीसान न्यायालयांत याचिका दाखल केल्ली. तातूंत ताणें तेलंगणा राज्य सरकार, हैदराबाद पुलीस आयुक्त आनी बंदखण अधिक्षकाक प्रतिवादी केल्ले.
कार्लीस क्लबाचो एडवीन नुनीस हाचे आड हैदराबादांत विवीध पुलीस स्टेशनांनी ड्रग्स तस्करी प्रकरणांत एका परस चड गुन्यांव दाखल जाल्यात. हाची दखल घेवन हैदराबाद पुलीस आयुक्तान 9 डिसेंबर 2022 दिसा आदेश जारी करून पुलिसांनी नुनीस हाका प्रतिबंधक अटक करून ताका बंदखणींत घाल्लो.
ह्या प्रकरणांत सल्लागार मंडळान 17 फेब्रुवारी 2023 दिसा संबंदीत आदेश कायम दवरिल्लो. हो आदेश बेकायदो आशिल्ल्याचो दावो करून रद्द करपाची म्हायती नुनीस हाचे घरकान्नीन उच्च न्यायालयांत केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
